Мулоқоти Раиси Раёсати БДА ҶТ «Амонатбонк» Икромӣ Сироҷиддин Салом бо ҳайати Хазинаи Байналмилалии Асъор

Санаи 10 декабри соли 2021, Раиси Раёсати БДА ҶТ «Амонатбонк» Икромӣ Сироҷиддин Салом дар доираи Барномаи лоиҳаи кўмаки техникии Шарҳи суботи бахши молиявӣ (Financial Sector Stability Review - FSSR) бо ҳайати Хазинаи Байналмилалии Асъор (ХБА) Карлос де Баррос Серрао ва С. Эрик Опперс мулоқоти фосилавӣ баргузор намуданд.

Дар оғози мулоқот, Раиси Раёсати БДА ҶТ «Амонатбонк» оид ба фаъолияти молиявии Бонк маълумоти мукаммал дода, иброз намуданд, ки Амонатбонк ҳамчун бонки давлатӣ ва яке аз бонкҳои низомсози Ҷумҳурии Тоҷикистон омодааст бо Хазинаи Байналмилалии Асъор дар самтҳои мухталиф ҳамкорӣ намояд.

Аз ҷониби Хазинаи Байналмилалии Асъор Карлос де Баррос Серрао ва С. Эрик Опперс изҳор доштанд, ки айни ҳол, лоиҳаи кўмаки техникии наве, ки маҳз бо дархости Бонки миллии Тоҷикистон ҷиҳати таъмини устувории суботи молиявӣ дастгирӣ ёфтааст, дар амал татбиқ намда истодаанд.

Дар рафти мулоқот қайд карда шуд, ки Барномаи кўмаки техникии Шарҳи суботи бахши молиявии (FSSR) Хазинаи Байналмилалии Асъор аз соли 2017 шурўъ шуда,Ҷумҳурии Тоҷикистон бори нахуст дар қатори дигар кишварҳо ба дастгирӣ ва татбиқи он аз ҷониби ХБА комёб гаштааст.

Дар интиҳои мулоқот, ҷонибҳо ҳавасмандии худро барои тақвияти ҳамкории самараноки минбаъда ва идомаи мулоқотҳо дуҷониба иброз намуданд.